SCHOLDSCHAIN

D'Yannchen Hoffmann an de Carlo Hartmann presentéieren den 23. September 2018 am Stater Cercle dat éischt Theaterstéck, wat a Lëtzebuerger Sprooch geschriwwe gouf:

D'Operett vum Dicks

DE SCHOLDSCHÄIN (1855)

Desweidere spille mat d'Stéphanie Schlink als "Marréi" an den Al Ginter als de "Schuechteg-botzer".

Musikalesch Begleedung mat der ganz grousser 69-ger Wittmann Dréiuergel, déi 2015 extra fir esou Produktiounen zu Wien gebaut gouf.

Net nëmmen, dass de SCHOLDSCHÄIN dem Dicks säi lëschtegst Koméidisstéck ass (mat Evergreens wéi: Dee freie geet sief gutt gekleet, Gëff mer eng Bees, O du mäin am Kamäin....), mee wéi der et bei Hartmann & Hoffmann gewinnt sidd, mat schéine Kostümer an opulentem Bühnebild.

Dësen Event steet ënnert dem Label vum « Année européenne du patrimoine culturel 2018 ».